യുവ ഉപയോക്താക്കൾക്കായി മികച്ച പ്രകടനം, ദീർഘകാല സോഫ്റ്റ്‌വെയർ പിന്തുണ, ശക്തമായ സുരക്ഷ, എഐ അധിഷ്ഠിത സവിശേഷതകൾ എന്നിവ ഒറ്റക്കെട്ടായി നൽകുന്ന ഗാലക്‌സി എ27 5ജി സ്മാർട്ട്ഫോൺ സാംസങ് ഇന്ത്യയിൽ അവതരിപ്പിച്ചു. സ്റ്റൈലിഷ് ഡിസൈനും മികച്ച പ്രകടനവും സമ്മാനിക്കുന്ന എ27ന്റെ വില  28,999 രൂപയിൽ ആരംഭിക്കുന്നു. ഒപ്പം ക്യാഷ്ബാക്കും സീറോ ഡൗൺ പേയ്‌മെന്റ് ഇഎംഐ ഓഫറുകളും ലഭിക്കും.

ഗാലക്‌സി എ27 5ജിയിൽ 120 ഹെർട്സ് റിഫ്രഷ് റേറ്റുള്ള 6.7 ഇഞ്ച് സൂപ്പർ അമോലെഡ് ഇൻഫിനിറ്റി-ഒ ഡിസ്പ്ലേയാണ് നൽകിയിരിക്കുന്നത്. കോർണിംഗ് ഗൊറില്ല ഗ്ലാസ് വിക്ടസ് പ്ലസ് സംരക്ഷണം ലഭിക്കുന്ന ഈ ഡിസ്പ്ലേ മികച്ച ദൃശ്യാനുഭവം നൽകുന്നു. 4 നാനോമീറ്റർ സ്നാപ്ഡ്രാഗൺ 6 ജനറേഷൻ 3 പ്രോസസർ, എൽപിഡിഡിആർ5എക്സ് റാം, യുഎഫ്എസ് 3.1 സ്റ്റോറേജ് എന്നിവയുടെ കരുത്തിൽ ഗെയിമിംഗ്, മൾട്ടിടാസ്കിംഗ്, എഐ ആപ്ലിക്കേഷനുകൾ എന്നിവ മികച്ച രീതിയിൽ കൈകാര്യം ചെയ്യാൻ സാധിക്കും.

ഫോട്ടോഗ്രാഫിക്കായി ഒഐഎസ് പിന്തുണയുള്ള 50 മെഗാപിക്സൽ പ്രധാന ക്യാമറ, 5 മെഗാപിക്സൽ അൾട്രാവൈഡ് ക്യാമറ, 2 മെഗാപിക്സൽ മാക്രോ ക്യാമറ, കൂടാതെ 12 മെഗാപിക്സൽ എച്ച്ഡിആർ ഫ്രണ്ട് ക്യാമറ എന്നിവയാണ് നൽകിയിരിക്കുന്നത്. ഒബ്ജക്ട് ഇറേസർ, എഡിറ്റ് സജഷൻസ്, മൈ ഫിൽറ്റർ, സർക്കിൾ ടു സെർച്ച്, ഗൂഗിൾ ജെമിനി, പെർപ്ലെക്സിറ്റി, ബിക്സ്ബി, വോയ്സ് ട്രാൻസ്ക്രിപ്ഷൻ, ലൈവ് ട്രാൻസ്ക്രിപ്ഷൻ തുടങ്ങിയ എഐ ഫീച്ചറുകൾ ദൈനംദിന ഉപയോഗം കൂടുതൽ എളുപ്പമാക്കുന്നു.

5000 എംഎഎച്ച് ബാറ്ററിയും ഫാസ്റ്റ് ചാർജിംഗ് പിന്തുണയും ലഭിക്കുന്ന ഗാലക്‌സി എ27 5ജി, ആറ് ആൻഡ്രോയിഡ് ഒഎസ് / വൺ യുഐ അപ്‌ഡേറ്റുകളും ആറ് വർഷത്തെ സുരക്ഷാ അപ്‌ഡേറ്റുകളും ഉറപ്പുനൽകുന്നു. സാംസങ് നോക്സ്, നോക്സ് വോൾട്ട്, സാംസങ് വാലറ്റ് എന്നിവയും സുരക്ഷയ്ക്കായി ഉൾപ്പെടുത്തിയിട്ടുണ്ട്. ലൈറ്റ് ഗ്രീൻ, ലൈറ്റ് പിങ്ക്, ബ്ലാക്ക് നിറങ്ങളിൽ ലഭ്യമാകുന്ന ഗാലക്‌സി എ27 5ജി ₹28,999 (6 ജിബി + 128 ജിബി), ₹31,999 (8 ജിബി + 128 ജിബി), ₹37,499 (8 ജിബി + 256 ജിബി) എന്നീ വേരിയന്റുകളിൽ ജൂലൈ 3 മുതൽ സാംസങ് എക്സ്ക്ലൂസീവ് സ്റ്റോറുകൾ, സാംസങ് ഡോട്ട് കോം, മറ്റ് റീട്ടെയിൽ, ഓൺലൈൻ പ്ലാറ്റ്‌ഫോമുകൾ എന്നിവ വഴി ലഭ്യമാകും. ഉപഭോക്താക്കൾക്ക് 15 മാസം വരെ സീറോ ഡൗൺ പേയ്‌മെന്റ് ഇഎംഐ, കൂടാതെ തിരഞ്ഞെടുത്ത നോൺ-ബാങ്കിങ് ഫിനാൻഷ്യൽ കമ്പനികൾ മുഖേന 24 മാസത്തെ ഇഎംഐ സൗകര്യവും ലഭ്യമാണ്.

Photo Courtesy - Google